%20KAPAK.png)
“Oʻzbek tili tarixi” nomli ushbu asar tilshunoslik va turkologiya fanlarining rivojlanishi uchun asos boʻlib xizmat qiladigan, ayni paytda ushbu fanlarning tarixiy taraqqiyot yoʻnalishlarini yoritib beradigan mukammal qoʻllanmadir. Kitob, avvalo, oʻzbek tili va adabiyoti yoʻnalishida tahsil olayotgan bakalavr talabalari, shuningdek tilning tarixiy rivojlanishini ilmiy asoslarda anglashni istagan keng kitobxonlar uchun moʻljallangan.
Asarda oʻzbek tilining eng qadimgi davrlaridan to hozirgi kungacha bosib oʻtgan tarixiy taraqqiyot bosqichlari fonetik, morfologik, leksik-semantik va sintaktik sathlarda yoritilgan. Turk tillarining oltoy tillari oilasidagi oʻrni, turkiy tillarning tarixiy davrlashtirilishi hamda asrlar davomida kechgan oʻzgarish jarayonlari toshbitiklar, qoʻlyozma manbalar va mavjud ilmiy tadqiqotlarga tayangan holda batafsil tahlil qilinadi. Orxon–Enasoy bitiklaridan boshlab qadimgi uygʻur tili, qoraxoniylar davri, xorazm turkchasi, chigʻatoy tili hamda eski oʻzbek tili kabi asosiy tarixiy bosqichlar izchil va tizimli tarzda bayon etilgan.
Shuningdek, kitobda Alisher Navoiyining oʻzbek adabiy tilining shakllanishidagi oʻrni hamda uning “Muhokamat ul-lugʻatayn” asari alohida tadqiq etiladi. Talabalarning nazariy bilimlarini mustahkamlash maqsadida har bir boʻlimda amaliy mashgʻulotlar, savol va topshiriqlar, glossariy hamda mavzuga oid asosiy adabiyotlar roʻyxati keltirilgan.
Mazkur jihatlari bilan “Oʻzbek tili tarixi” nafaqat filologiya yoʻnalishi talabalari, balki turkiy tillar bilan shugʻullanuvchi tadqiqotchilar, tilshunos olimlar hamda oʻzbek tilining ildizlari va tarixiy taraqqiyotiga qiziqqan keng kitobxonlar uchun ham muhim ilmiy manba hisoblanadi.
%20KAPAK.png)
%20KAPAK.png&description=OʻZBEK TILI TARIXI (Oʻquv qoʻllanma)){kind=link}